അമ്പലത്തില്‍ പോകും വഴി
കണ്ണുകളില്‍
പ്രേമത്തിന്റെ നനവുമായി
നീ
എനിക്കായി കാത്തുനില്‍ക്കാരുണ്ടായിരുന്ന
അരയാല്‍ ചുവട്ടില്‍
ഇന്ന്
എന്നെ കാത്തു
പ്രത്യയ ശാസ്ത്രത്തിന്റെ
കൊഴിഞ്ഞ ഇലകള്‍.
എന്റെ ഒരു നോട്ടത്തിനായി
പുഞ്ചിരിക്കായി
വിതുമ്പി നിന്ന
നിന്റെ ചുണ്ടുകളില്‍
ഇന്ന്
പേരക്കുട്ടികള്‍ക്കായി കരുതി വച്ച
" ഓമന ത്തിങ്ങള്‍ കിടാവോ"
സ്റ്റഡി ക്ളാസ് കഴിഞ്ഞു
തിരിച്ചു വരുന്ന എന്നെ
അവസാനത്തെ ഇല
"സഖാവേ" എന്ന് വിളിച്ചത്
നീ കേട്ടില്ലേ?
*******
No comments:
Post a Comment